Հանրապետության տարածքում ապրիլի 23-ին շրջանների զգալի մասում կդիտվի անձրեւ եւ ամպրոպ
- 09:20 23.04.2025
Հայաստանում սպասվում է օդի ջերմաստիճանի նվազում, հայտնում է Հիդրոմետոլոգիայի և մոնիտորինգի կենտրոնը։
Նշվում է, որ ապրիլի 23-ին հանրապետության շրջանների զգալի մասում կդիտվի անձրեւ եւ ամպրոպ, քամին՝ հարավ-արեւմտյան, արագությունը՝ 2-5 մ/վ։
Ըստ կանխատեսումների՝ օդի ջերմաստիճանը ապրիլի 23-ին կնվազի 4-5 աստիճանով։
Շիրակում ապրիլի 23-ին օդի ջերմաստիճանը կլինի +17, Արագածոտնում և Կոտայքում՝ +18, Գեղարքունիքում՝ +16, Լոռիում՝ +20, Տավուշում, Արմավիրում և Վայոց Ձորում՝ +21, Արարատում՝ +22, Սյունիքում՝ +26։
Երևանում ապրիլի 23-ին սպասվում է կարճատև անձրև և ամպրոպ, մայրաքաղաքում օդը կտաքանա մինչև +19 աստիճան։