Մեր քաղաքական վերադարձը միջազգային իրավունք է, դա պետք է մնա օրակարգում

Մեր քաղաքական վերադարձը միջազգային իրավունք է, դա պետք է մնա օրակարգում, այսօր լրագրողների հետ ճեպազրույցում ասաց Արցախի նախագահ Սամվել Շահրամանյանը։

«Այո, մենք իրավունք ունենք ապահովելու մեր արժանապատիվ եւ անվտանգ վերադարձը։ Այդ նպատակով Արցախի ԱԺ կողմից ստեղծված է հանձնախումբ, որը ղեկավարում է ՀՀ նախկին արտգործնախարար Վարդան Օսկանյանը։ Եվ ես կարծում եմ, որ էֆեկտիվ աշխատանք են իրականացնում։ Դուք տեղյակ եք, որ վերջերս Շվեյցարիայի խորհրդարանն է ընդունել բանաձեւ, որի համաձյան՝ պետք է խաղաղության կոնֆերանս իրականացվի, որին կմասնակցեն եւ Ադրբեջանի, եւ Արցախի ներկայացուցիչները»,- ասաց Շահրամանյանը։

Անդրադառնալով Արցախի էջը փակելու վերաբերյալ ՀՀ իշխանությունների հայտարարություններին, նա ասաց․ «Այդ հայտարարություններն անողներն ակնկալելում են Հայաստանի Հանրապետության քաղաքացիների դիրքորոշումը։ Ես էլ եմ ակնկալում»։