Երևանում շարունակվում է Career City Fest 2K25-ը՝ ուղղված կարիերայի նոր հնարավորություններին
- 11:16 26.04.2025
2025 թ․ ապրիլի 25-ին և 26-ին Երևանում անց է կացվում Career City Fest 2K25-ը՝ մի հարթակ, որը միավորում է աշխատաշուկայի նորագույն միտումները, փորձառու մասնագետներին, սկսնակներին, գործատուներին ու ձեռնարկություններին։
Միջոցառման նպատակն է՝ խթանել մասնագիտական աճը, ընդլայնել գործատու-մասնագետ կապերը, նպաստել կարիերայի զարգացմանը և ստեղծել նոր համագործակցությունների ու աշխատանքի հնարավորություններ՝ երիտասարդների, ուսանողների, սկսնակ մասնագետների և գործատուների համար։ Career City Fest 2K25-ը նախատեսված է բոլոր նրանց համար, ովքեր ուզում են․
• Ընդլայնել մասնագիտական հորիզոնները, մասնակցել կրթական ու մենթորական սեսիաների
• Ճանաչել ոլորտի առաջատար ընկերություններին ու հնարավոր գործատուներին
• Ներկայացնել իրենց հմտություններն ու կապ հաստատել նոր գործընկերների հետ։
Միջոցառումը անց է կացվում ինտերակտիվ և ներգրավվածության բարձր ձևաչափով՝ հնարավորություն տալով անմիջական կապ ստեղծել փորձառու մասնագետների, բիզնեսի ներկայացուցիչների և ոլորտի տարբեր շահակիցների միջև։
