Հայ մարմնամարզիկները երկու ոսկե մեդալ նվաճեցին Կահիրեում անցկացվող Աշխարհի գավաթի 6-րդ փուլում
- 08:41 28.04.2025
Հայ մարմնամարզիկ Համլետ Մանուկյանը հաղթեց Կահիրեում ընթացող աշխարհի գավաթի վեցերորդ փուլի եզրափակչում, հաղորդում է Կրթության, գիտության, մշակույթի և սպորտի նախարարությունը։
Մանուկյանը նվաճեց ոսկե մեդալ՝ նժույգթափերի վարժությունում հավաքելով 14.800 միավոր։ Նա ճանաչվեց մրցաշարի բացարձակ հաղթող՝ վեց փուլից հաղթելով երեքում։
Վեցերորդ փուլում ևս հաղթեց մարմնամարզիկ Արթուր Ավետիսյանը, ով օղակների վարժությունում հավասարը չուներ։ 14,466 միավորով նա զբաղեցրեց առաջին տեղը։
Այս վարժությունում Հայաստանի մեկ այլ ներկայացուցիչ՝ Վահագն Դավթյանը, զբաղեցրեց 7-րդ տեղը։