Ի՞նչ պայմաններում է շտաբ-վրանը հանվելու Ազատության հրապարակից
- 13:25 28.04.2025
Արցախի նախագահ Սամվել Շահրամանյանի այցը Ազատության հրապարակում գտնվող Արցախի ժողովրդի իրավունքների պաշտպանության խորհրդի շտաբ-վրան հանրության շրջանում տարաբնույթ կարծիքներ է առաջացրել։
Խորհրդի անդամների հետ զրույցում Շահրամանյանը պատրաստակամություն հայտնեց աջակցել ակտիվիստներին, պայմաններ չթելադրել։ Նա խորհուրդ տվեց կենտրոնանալ սոցիալական հարցերի վրա և պատրաստակամություն հայտնեց Խորհրդին տարածք տրամադրել Արցախի ներկայացուցչության շենքում, եթե վրանը հրապարակից հանվի։
Արցախցիների իրավունքների պաշտպանության խորհրդի ներկայացուցիչ Ապրես Մարգարյանը Step1.am-ի հետ զրույցում նշել է, որ նախկինում էլ հանդիպումներ են եղել նախագահ Շահրամանյանի հետ, որտեղ խորհուրդը, ինչպես վերջին հանդիպման ժամանակ, ներկայացրել է մարտի 29-ին ՀՀ իշխանություններին ուղղված դիմումում ներկայացված պահանջները։ Ինչպես նախկինում, նախագահը հավաստիացրել է իր աջակցության մասին։
Վրանային ակցիայի վերաբերյալ Մարգարյանը հավելեց, որ «մենք ընտրեցինք այս ձևաչափը, քանի որ բռնատեղահանումից հետո Արցախի պետական ինստիտուտները լիարժեք գործելու հնարավորություն չուեցան, ինչը խոչընդոտ դարձավ արցախցիների խնդիրների լուծման համար»։
Ապրես Մարգարյանը Step1-ի հետ կիսվեց, թե արդյոք շտաբի վրանը կհեռացվի հրապարակից։
Ալվարդ Գրիգորյան