«Ծերուկ ավազակների» խումբն է 2016 թվականին թալանել Քիմ Քարդաշյանին
- 16:44 29.04.2025
Երկուշաբթի օրը Փարիզում սկսվել է ամերիկյան ռեալիթի շոուի աստղ Քիմ Քարդաշյանի դատավարությունը՝ կողոպուտի գործով։ 2016 թվականի հոկտեմբերի 2-ի լույս 3-ի գիշերը նրանից գողացել են մոտ 10 միլիոն դոլար արժողությամբ զարդեր, այդ թվում՝ 4 միլիոն դոլար արժողությամբ նշանադրության մատանի, որը նվիրել էր նրա այն ժամանակվա ամուսինը՝ ռեփեր Քանյե Ուեսթը։
Դատավարությունը կտևի մինչև մայիսի 23-ը, իսկ Քարդաշյանը պետք է ցուցմունք տա մայիսի 13-ին։
Ֆրանսիական մամուլը մեղադրյալներին անվանեց «ծերուկ ավազակներ», քանի որ նրանց մեծ մասը ծնվել է 1950-ականներին և ունեցել է քրեական անցյալ։ Սկզբում կային 12 մեղադրյալներ, որոնցից մեկն արդեն մահացել է, իսկ ևս մեկը՝ 81 տարեկան, կարող է ազատ արձակվել դատավարությունից՝ պրոգրեսիվող դեմենցիայի պատճառով։ Այժմ հինգ անձ մեղադրվում է կողոպուտին անմիջական մասնակցության մեջ, իսկ վեցը՝ հանցագործությանը օժանդակելու մեջ։
Գլխավոր մեղադրյալը 68-ամյա Աոմար Այթ Կեդաշն է, որը հայտնի է Ծեր Օմար մականունով։ Հանցագործության վայրից նրա ԴՆԹ-ն օգնեց քննիչներին գտնել նրան և նրա հանցակիցներին։ Հետաքննիչները կարծում են, որ նա հանցավոր խմբի առաջնորդն է, չնայած նա հերքում է դա, բայց խոստովանում է, որ կապել է Քարդաշյանին կողոպուտի պահին։ Նա ասաց, որ իրեն դիմել է մի «հովանավոր», որը սխեմա է առաջարկել աստղին շատ մոտ գտնվող «տեղեկատուի» անունից, ով նրանց «կանաչ լույս» է տվել կողոպուտն իրականացնելու համար։
Ավելին կարդացեք BBC-ում