Մայիսի 1․ Հայաստանում հաշմանդամություն ունեցող անձանց զբաղվածության պետական ծրագրեր չկան
- 21:45 01.05.2025
Հաշմանդամություն ունեցող անձանց զբաղվածությունը մնում է ամենահրատապ խնդիրներից մեկը թե՛ Հայաստանում, թե՛ ամբողջ աշխարհում։ Շատ երկրներում, օրինակ՝ հարևան Վրաստանում, գործում են մի շարք պետական ծրագրեր այս կատեգորիայի մարդկանց վերապատրաստման և աշխատանքի տեղավորման համար։
Եվրոպական շատ երկրներում հաշմանդամություն ունեցող անձի վարձող գործատուները ազատվում են որոշ հարկերի վճարումից և ստանում այլ նշանակալի արտոնություններ։ Բացի այդ, օրինակ, Ֆրանսիայում պետական ձեռնարկությունները աշխատատեղեր են նախատեսում հատուկ հաշմանդամություն ունեցող անձանց համար։
Հայաստանում, որտեղ, ըստ պաշտոնական տվյալների, ապրում է ավելի քան 190 հազար հաշմանդամություն ունեցող անձ, այս խնդիրները լուծվում են հասարակական կազմակերպությունների մակարդակով, քանի որ զբաղվածության պետական ծրագրեր չկան։
«Մենք չենք մշակում հատուկ ծրագրեր հաշմանդամություն ունեցող անձանց համար, այլ ներգրավում ենք նրանց ընդհանուր զբաղվածության ծրագրերում», – պնդում է Հայաստանի սոցիալական ապահովության նախարարությունը։
Միաժամանակ, պաշտոնական տվյալներով, 190 հազար մարդուց ներկայումս աշխատում է միայն 27 հազարը։ Ավելին, Հայաստանում ապրում են Արցախյան պատերազմների հազարավոր մասնակիցներ, որոնք վիրավորվել են մարտերի և Ստեփանակերտի վառելիքի պահեստում տեղի ունեցած պայթյունի ժամանակ։ Նրանք ունեն հսկայական մտավոր ներուժ, բայց աշխատանքի առումով մեծ դժվարությունների հանդիպելիս ստիպված են լինում արտագաղթել՝ արժանապատիվ եկամուտ փնտրելու համար։
Արսեն Աղաջանյան