Թրամփը հայտարարել է Եմենում հութիների կապիտուլյացիայի մասին․ Իրանի հետ բանակցությունները վերականգնվել են
- 09:05 07.05.2025
ԱՄՆ նախագահ Դոնալդ Թրամփը մայիսի 6-ին հայտարարել է, որ հրամայում է դադարեցնել ԱՄՆ-ի ավիահարվածները Եմենում հութի ապստամբների վրա այն բանից հետո, երբ Իրանի կողմից աջակցվող խմբավորումը համաձայնել է դադարեցնել հարձակումները Մերձավոր Արևելքի կարևոր ծովային երթուղիներում նավերի վրա:
Թրամփի այս հայտարարությունից հետո Օմանը հայտարարել է, որ հանդես է եկել որպես միջնորդ հրադադարի հարցում և հաստատել է, որ ԱՄՆ-ի քարոզարշավն ավարտվում է:
Մայիսի 6-ին Թրամփը հայտարարել էր, որ հութիները հասկացրել են ԱՄՆ պաշտոնյաներին, որ «նրանք այլևս չեն ցանկանում պատերազմել»:
Հիշեցնենք, որ նույն օրը հայտարարվեց, որ Իրան-ԱՄՆ բանակցությունների հետաձգված փուլը կկայանա մայիսի 11-ին։ Ըստ երևույթին, Իրանը հրաժարվում է իր արտաքին ազդեցության գոտիներից՝ Սիրիա, Գազա, Լիբանան, հութիներ, սահմանափակվելով իր սեփական տարածքային ամբողջականությունը պահպանելով։
Այդ առումով Հայաստանի հետ սահմանը Իրանը համարում է իր ամբողջականության մաս, հետևաբար հարց է՝ այսպես կոչված Զանգեզուրի միջանցքը կմտնի՞ ԱՄՆ հետ բանակցություններում Իրանի զիջումների օրագարգի մեջ։