ԱՄՆ-ն համաձայն չէ «տալ» չօկուպացված տարածքները Ռուսաստանին, իսկ օկուպացվածները ОК է
- 10:08 09.05.2025
Ուկրաինա365 ալիքը փոխանցում է ԱՄՆ փոխնախագահ Վենսի հետ հարցազրույցի համառոտ ակնարկը։
Երբ նրան հարցրեցին, թե արդյոք ԱՄՆ-ն դուրս կգա բանակցություններից, թե՞ ժամանակն է ուժեղացնել Ուկրաինային տրամադրվող ռազմական աջակցությունը, ԱՄՆ փոխնախագահը պատասխանեց. «Կտեսնենք, թե ինչ կլինի»։
«Մենք կշարունակենք աշխատել այս հարցի վրա մինչև որոշենք, որ վերջնականապես չենք կարող հետագա առաջընթաց գրանցել։ Մենք չենք ուզում, որ Ուկրաինան փլուզվի։ Մենք ակնհայտորեն ուզում ենք, որ Ուկրաինան մնա ինքնիշխան պետություն։ Ռուսաստանը չի կարող ակնկալել, որ իրեն կտրվեն տարածքներ, որոնք նա նույնիսկ դեռ չի նվաճել։ Եվ սա այն բաներից մեկն է, որը նրանք ներառել են այդ սկզբնական խաղաղության ծրագրում»։
Հարցին, թե արդյոք ամերիկյան կողմը կհեռանա նման դեպքում, Վենսը պատասխանեց. «Մենք դա կանեինք»։
Այս կարճ ամփոփումից հետևում է, որ ԱՄՆ-ն պատրաստ չէ կատարել Կրեմլի պահանջները՝ Ռուսաստանին «վերադարձնել» ոչ միայն այն տարածքները, որոնք ներկայումս գրավել է Ուկրաինայում, այլև Դոնբասի, Զապորոժիեի և Խերսոնի մարզերի տարածքները, որոնք երբեք չեն գրավվել ռուսական զորքերի կողմից։
Ռուսաստանին արդեն իսկ օկուպացված տարածքների փոխանցման վերաբերյալ, ըստ երևույթին, համաձայնություն կա։