ԱՄՆ-ն ազատ կլինի ներդրումներ կատարել Իրանի տնտեսությունում, եթե համաձայնություն ձեռք բերվի. Իրանի իշխանություններ

Վաշինգտոնը ազատ կլինի ներդրումներ կատարել Իրանի տնտեսությունում, եթե Թեհրանի հետ միջուկային համաձայնության հասնի։ Այս մասին «ՌԻԱ Նովոստի»-ին հայտնել է Իրանի կառավարության խոսնակ Ֆաթեմեհ Մոհաջերանին։

«Մենք երբեք խնդիր չենք ունեցել ամերիկյան ներդրումների հետ, հենց նրանք են իրենց զրկել Իրանի հսկայական ներուժից։ Բնականաբար, եթե նոր համաձայնագիր կնքվի, Միացյալ Նահանգները կկարողանա լիարժեքորեն օգտվել Իրանի տնտեսական ներուժից, և մենք պատրաստ ենք դա անել որպես երկիր, որտեղ նրանք կարող են ներդրումներ կատարել տարբեր ոլորտներում», – ասաց Մոհաջերանին։

Կիրակի օրը տեղի ունեցավ Իրանի և Միացյալ Նահանգների միջև միջուկային ծրագրի և պատժամիջոցների հնարավոր վերացման վերաբերյալ անուղղակի բանակցությունների չորրորդ փուլը։ Հանդիպումը տեղի ունեցավ երկշաբաթյա ընդմիջումից հետո, որը ամենաերկարն էր Օմանի միջնորդությամբ խորհրդակցությունների սկսվելուց ի վեր։