Արցախցիները եւս երկու ամիս կստանան 40 000 դրամի աջակցությունը. Մանրամասներ
- 20:45 12.05.2025
Լեռնային Ղարաբաղից բռնի տեղահանված բոլոր անձինք կստանան ապրիլի եւ մայիսի 40.000 հազար դրամ աջակցությունը: Շահառուների թիվը 98 հազար հոգի է: Աջակցությունն առաջարկվել է երկարացնել երկու ամիս ժամկետով՝ մինչեւ բռնի տեղահանվածների համար սոցիալական աջակցության թիրախային ծրագրեր վերաբերյալ առաջակրկներ ներկայացնելն ու դրանք քննարկելը:
“Որպես այդպսին խոչընդոտներ չկային Լեռնային Ղարաբաղից բռնի տեղահանված տարբեր խմբերի, մեր հայրենակիցների հետ քննարկումների արդյունքում: Որոշվել է անցումային հնարավորություն ստեղծել, որը գնահատվել է, այսպես ասեմ, երկու ամիս ժամկետով, մինչեւ ընդհանուր սոցիալական աջակցության ծրագրերի վերաբերյալ համապատասխան առաջարկներ ներկայացնելը եւ դրանք քննարկելը: Ապրիլի 1-ով, քանի որ դեռ թիրախային խմբերի ապրիլ ամսվա վճարման ցուցակները ձեւավորված չէին եւ վճարումները պետք է կատարվեին մինչեւ մայիսի 10-ը։ Հիմա կներառվեն նաեւ բացի առանձին խմբի անձանցից մնացած բոլոր անձինք:
Ըստ էության, միջոցառումը, ինչպես 40.000+10.000 ամսական վճարումները, իրականացնում ենք Լեռնային Ղարաբաղից տեղահանված բոլոր անձանց համար: Իսկ այն միջոցառումը, որը ընդունել էինք և նույնպես պետք է սկսեր ապրիլ ամսից, վերաբերում էր կարիքավոր անձանց լրացուչիչ, հրատապ աջակցության տրամադրելուն, հետաձգվել է երկու ամսով: Այսինքն միջոցառումը կսկսենք ոչ թե ապրիլից, այլ հունիսից”, հայտարարել է ՀՀ ԱՍՀՆ ժողովրդագրության եւ ընտանիքիի սոցիալական երաշխիքների վարչության պետ Արտակ Հարությունյանը։
Հունիսից 40 հազ․ դրամ ծրագիրը շարունակվելու է միայն առանձին խմբերի՝ առաջին, երկրորդ կարգի հաշմանդամություն ունեցող, անչափահաս, 63 տարին լրացած անձանց, կերակրողին կորցնելու դեպքում կեսաթոշակ, նպաստ ստացող անձանց համար: Նրանք հուլիսից դեկտեմբեր կստանան ամսական 30.000 դրամ: