Արցախի ԱԺ նախագահ է ընտրվել Աշոտ Դանիելյանը «Ազատ Հայրենիք»-ից
- 23:14 22.05.2025
Արցախի Հանրապետության ազգային ժողովի լիազորությունները մայիսի 21-ին ավարտվել են։ Եվ մայիսի 21-ին Արցախի խորհրդարանն արտահերթ նիստ է գումարել, որի ընթացքում ԱԺ նախագահ է ընտրվել «Ազատ Հայրենիք» խմբակցության պատգամավոր Աշոտ Դանիելյանը:
Նիստին մասնակցել է 28 պատգամավոր։
Մայիսի 21-ին լրացել է նաեւ Արցախի նախագահի պաշտոնավարման ժամկետը։ Առաջիկայում Արցախի խորհրդարանը Արցախի նախագահ պետք է ընտրի։
Ավելի վաղ Արցախի նախագահ Սամվել Շահրամանյանն ասել էր, որ ըստ Արցախի Սահմանադրության՝ նախագահի լիազորությունները լրանալուց հետո 7-10 օրվա ընթացքում պետք է նախագահի թեկնածուներ առաջադրվեն, այնուհետեւ խորհրդարանը նախագահ կընտրի։
Հիշեցնենք, որ վերջերս Արցախի խորհրդարանը հաստատել էր սահմանադրական փոփոխությունների նախագիծ՝ ապահովելու համար Արցախի պետական ինստիտուտների գործունեության շարունակականությունը։