Արցախի հարցը՝ հասարակական ընկալման մեջ. նոր տվյալներ CRRC-ից
- 23:54 22.05.2025
CRRC Հայաստան հետազոտական կենտրոնի կողմից 2024 թ. հուլիս-հոկտեմբերին անցկացված «Caucasus Barometer» հարցման տվյալները վկայում են, որ Արցախի հարցը շարունակում է մնալ հայաստանյան հանրության ուշադրության կենտրոնում։
Հարցվածների շուրջ 84 տոկոսը նշել է, որ Արցախում տեղի ունեցածը «մեր իսկ սխալների և դավաճանությունների» հետևանք է։ Բացի այդ, 67 տոկոսը համաձայն չէ այն պնդման հետ, թե Ղարաբաղյան հակամարտությունն այլևս գոյություն չունի։
Հետազոտությունն անցկացվել է 2024 թ․ հուլիսի 27-ից հոկտեմբերի 10-ը՝ 1,561 մասնակիցների շրջանում, և ներառել է Հայաստանի տարբեր բնակավայրեր։ Տվյալները հավաքվել են անձնական հարցազրույցների միջոցով, նշվում է CRRC Հայաստան, Caucasus Barometer 2024 զեկույցում։
Այս արդյունքներն արձանագրում են, որ Արցախի հարցն այսօր էլ ընկալվում է որպես բաց վերք՝ խորը սոցիալական ու քաղաքական հետևանքներով։