Պուտինի գաղափարախոսը. Բաքուն չէր կարողանա գրավել Ղարաբաղը առանց Մոսկվայի

Ինչի՞ համար են այդքան խիստ պատժում դժբախտ մարդկանց, որոնք ընդամենը ցանկանում էին Ռուսաստանի և Ադրբեջանի մերձեցում։ Ինձ թվում է, որ Ադրբեջանում ինչ-որ բան բոլորովին այնպես չի ընթանում, ինչպես պետք է լիներ։ Այս մասին սոցցանցերում գրել է ռուսաստանցի փիլիսոփա, եվրազիստ և Պուտինի գաղափարախոս Ալեքսանդր Դուգինը։

«Եվրասիականները կազմակերպել էին «Մոսկվա-Բաքու առանցք» համաժողովը, դրանում ակտիվ դերակատարում ուներ Դաշա Դուգինան։ Եվրասիականները սատարում էին Ադրբեջանի տարածքային ամբողջականությանը, ամեն կերպ օգնում էին ռուս-ադրբեջանական երկխոսությանը։ Ինչո՞ւ են այսքան խիստ ժամկետներ անմեղ ու անկեղծ մարդկանց համար։ Չեմ հասկանում։ Եվ շատ ընկճված եմ։ Եվրասիականները՝ և՛ ռուսաստանցի, և՛ ադրբեջանցի, անփոփոխ կերպով սատարել են Իլհամ Ալիևին, հարգել են Հեյդար Ալիևի հիշատակը։

Անձամբ ես հիանալի հարաբերություններ եմ ունեցել Ադրբեջանի նախագահի աշխատակազմի, պատգամավորների և մտավորականների հետ։ Մենք՝ եվրասիականներս, կազմակերպել ենք մեր մեծ ռուսաստանցի գրող Ալեքսանդր Անդրեևիչ Պրոխանովի կարևոր հանդիպումը Իլհամ Ալիևի հետ։ Կարծում եք՝ Բաքվին այդքան հե՞շտ հաջողվեց հետ վերցնել Ղարաբաղը։ Մենք առաջ էինք քաշում ավելի խաղաղ ու սահուն անցման նախագիծ, պաշտպանում էինք այն։ Բայց երբ պատերազմը սկսվեց, ձեր կարծիքով ո՞վ էր կանգնած ադրբեջանական սցենարի հետևում»,- գրել է Դուգինը։