ԱՄՆ-ն թույլ չի տա Իրանին ուրան հարստացնել. նոր գործարքը վտանգված է՞
- 14:46 03.06.2025
ԱՄՆ նախագահ Դոնալդ Թրամփի խոսքով՝ Իրանի հետ հնարավոր միջուկային համաձայնագիրը բացառում է ուրանի հարստացումը։ ԱՄՆ-ի և Իրանի միջև ներկայումս քննարկվող հնարավոր համաձայնագրի համաձայն՝ Վաշինգտոնը «թույլ չի տա ուրանի որևէ հարստացում», – գրել է Թրամփը իր Truth Social սոցիալական ցանցում երկուշաբթի՝ հունիսի 2-ին։ Հայտարարության պատճառը Axios լրատվական պորտալի հաղորդագրությունն էր, որի համաձայն՝ Վաշինգտոնի առաջարկը թույլ է տալիս Թեհրանին սահմանափակ կերպով հարստացնել ուրանը։
Ապրիլի կեսերին ԱՄՆ-ն և Իրանը սկսեցին բանակցություններ իրանական միջուկային ծրագրի վերաբերյալ հնարավոր նոր համաձայնագրի շուրջ։ Բանակցությունների առաջին հինգ փուլերը ոչ մի արդյունք չեն տվել։ Երկուշաբթի օրը Թրամփը ներկայիս իրավիճակի համար մեղադրեց իր նախորդին՝ ԱՄՆ նախագահ Ջո Բայդենին։ Նրա խոսքով՝ Բայդենը «պետք է վաղուց կանգնեցներ» Իրանի ուրանի հարստացումը։
Իրանական կողմը ևս ասում է, որ ԱՄՆ-ն իրավունք չունի արգելել Իրանին զարգացնել խաղաղ միջուկային էներգիա։