Վաղը Արցախցիների իրավունքների պաշտպանության խորհուրդը կհայտարարի հաջորդ քայլերի մասին
- 15:41 10.06.2025
Արցախցիների իրավունքների պաշտպանության խորհուրդը վաղը հրավիրում է մամուլի ասուլիս, որի ընթացքում կամփոփվեն ՀՀ կառավարության եւ խորհրդի փորձագիտական խմբերի՝ վերջին շաբաթների աշխատանքի ու քննարկումների արդյունքները։
Step1.am-ի հարցին՝ խորհուրդն ի՞նչ է որոշել՝ շարունակո՞ւմ են կառավարության հետ քննարկումները, թե՞ մարդկանց պայքարի դուրս գալու կոչեր են անելու, Արցախցիների իրավունքների պաշտպանության խորհրդի անդամ Սայիդա Պողոսյանը պատասխանեց․ «Կառավարությունը մեր առաջարկած փոփոխություններին բավականին ընդառաջել է։ Առաջընթաց կա, բայց, իհարկե, դա մեզ դեռ չի բավարարում։ Մանրամասները կներկայացվեն վաղվա ասուլիսում»։
Նշենք, որ հասարակական գործիչ Անաստաս Իսրայելյանը հայտարարել է Արցախցիների իրավունքների պաշտպանության խորհրդի կազմից դուրս գալու մասին։