Ղարաբաղյան ֆանտոմային ցավերը հետապնդում են Մոսկվային և Բաքվին

Ռուսական РИА Новости գործակալության տեղեկացված աղբյուրը հայտարարել է, որ Ռուսաստանի նախագահի օգնական Վլադիմիր Մեդինսկու՝ Ղարաբաղի վերաբերյալ հայտարարությանը Ադրբեջանի ԱԳՆ արձագանքի կապակցությամբ Ռուսաստանը հույս ունի, որ Ադրբեջանը կճանաչի նոր ռուսական շրջանները և Ղրիմը։

«Ռուսաստանի նախագահի օգնական Վլադիմիր Մեդինսկու՝ Ղարաբաղի վերաբերյալ հայտարարություններին Ադրբեջանի արտգործնախարարության արձագանքի կապակցությամբ Մոսկվան ակնկալում է, որ հաշվի առնելով Ռուսաստանի Դաշնության և Ադրբեջանի Հանրապետության միջև հարաբերությունների դաշնակցային բնույթը, որը ամենաբարձր մակարդակով ամրագրված է 2022 թվականի փետրվարի 22-ի հռչակագրում, Բաքուն ավելի հավասարակշռված դիրքորոշում կընդունի Ուկրաինայի շուրջ ստեղծված իրավիճակի վերաբերյալ, կճանաչի Ռուսաստանի մոտեցումների արդարացիությունը Հատուկ ռազմական գործողության համատեքստում և Ղրիմի, Սևաստոպոլի, ԴԺՀ-ի, ԼԺՀ-ի, Զապորոժիեի և Խերսոնի մարզերի մեր երկրին պատկանելության վերաբերյալ դիրքորոշումը», -հայտարարել է նա։

«Ինչպես որ Ռուսաստանը կասկածի տակ չի դնում Ադրբեջանի ինքնիշխանությունը Ղարաբաղի նկատմամբ», – հավելել է գործակալության աղբյուրը։

Ղարաբաղյան ֆանտոմային ցավերը չեն հետապնդում ո՛չ Մոսկվային, ո՛չ էլ Բաքվին։ Հողի սրբազան իրավունքը չի կարող նվաճվել, նույնիսկ հողի նվաճման պարագայում, և չի կարող “ճանաչվել”։ Մոսկվան և Բաքուն չգիտեն, թե ինչպես մարսել Ղարաբաղը, ավելի ճիշտ՝ գիտեն, որ չեն կարողանա այն մարսել։