Արցախցիների իրավունքների պաշտպանության խորհուրդը կշարունակի քննարկումները և ակցիաները

Արցախցիների բնակապահովման ծրագրով եւս 158 բնակավայր ներգրավվելու է 4 մլն-ոց գոտու մեջ։ Այս մասին այսօր հրավիրած ասուլիսում ասաց Արցախցիների իրավունքների պաշտպանության խորհրդի անդամ Նժդեհ Իսկանդարյանը՝ ներկայացնելով ՀՀ կառավարության հետ բանակցությունների արդյունքները։

«Այս երկու ամսվա ընթացքում ստեղծել ենք աշխատանքային խմբեր եւ որոշակի դրական հաջողության ենք հասել։ Բնակարանային ծրագրի վերաբերյալ այժմ ունենք որոշակի բարեփոխված տարբերակ, եւս 158 բնակավայր ներգրավված է լինելու 4 մլն-ոց գոտու մեջ։ Դրանք հիմնականում Կոտայքի, Արագածոտնի, Արարատի մարզերում են լինելու։ Այստեղ ընդհանուր առմամբ ապրում են 13 200 արցախցիներ»,- ասաց նա։ Օրինակ՝ երեւանամերձ Չարենացավան, Էջմիածին, Արարատ, Ապարան, Մեծամոր քաղաքները ներգրավված է 4 մլն-ոց շեմի մեջ։

Նժդեհ Իսկանդարյանն ասաց, որ կառուցապատում իրականացնելու ցանկություն հայտնող ընտանքին էլ այդ սերտիֆիկատներով կարող են կառուցապատում սկսել։ «Այս պահին քննարկման փուլում ենք։ Նախկինում ունեինք սերտիֆիկատով հողատարածք գնելու տարբերակ, որի շեմը կազմում է 4 մլն դրամ։ Այժմ փորձում ենք հասնել նրան, քանի որ բնակարանային հողատարծքներն ավեի թանկ արժեն։ Միաժամանակ, հիպոթեկի հետ կապված հարցերն են կարգավորվում, նախկինում արցախցիներին հնարավորություն էր տրվում սերտիֆիկատով վճարումները կատարել 10 տարվա ժամկետով, իսկ այժմ այդ թույլտվությունը լինելու է 20 տարի ժամկետով։ Ընդհանուր առմամբ, այն հաջողությունները, որոնց մեր հայրենակիցները սպասում են, չեմ կարող ասել, որ ամբողջությամբ կատարել ենք»,- նշեց նա։

Նժդեհ Իսկանդարյանն ասաց, որ ՀՀ քաղաքացիություն ստանալու հետ կապված հարցում չեն կարողացել համաձայնություն ձեռք բերել կառավարության հետ։ Արցախցիների՝ ՀՀ քաղաքացիություն ստանալու խնդիրը դեռ չի լուծվել, քանի որ դա կարմիր գիծ է ՀՀ կառավարության համար։ Ըստ նրա՝ բնակարանի հավաստագիրն իրացնելու համար 4-5 ամիս ժամանակ է պահաջնվելու, սա լրջագույն խնդիր է։ Խորհուրդն այդ մասին իր մտահագությունները հայտնել է ՀՀ կառավարությանը։

Ինչ վերաբերում է հարցին, թե ակցիաները շաունակելո՞ւ են, Նժդեհ Իսկանդրայանն ասաց․ «Բնականաբար, ակցիաները շարունակվելու են։ Խորհուրդը հանդես է եկել ոչ միայն արցախցիների սոցիալական խնդիրներով։ Այնտեղ ունենք նաեւ 12 կետ, առաջինը դա արցախցիների հավաքական վերադարձն է, գերիների մասին ենք խոսել, պետական ինստիտուտների դերի մասին։ Բազմաթիվ են խնդիրները, եւ այս առումով խորհուրդն իր դիրքորոշումը չի փոխել»։