Նժդեհ Իսկանդարյանին առաջարկվել է զբաղեցնել Արցախի պետնախարարի պաշտոնը

Արցախցիների իրավունքների պաշտպանության խորհրդի անդամ Նժդեհ Իսկանդարյանին առաջարկվել է զբաղեցնել Արցախի պետնախարարի պաշտոնը։

Այսօր հրավիրած ասուլիսում Նժդեհ Իսկանդարյանը հաստատեց այս տեղեկությունը՝ ասելով․ «Ճիշտ են այդ խոսակցությունները։ Եվ վստահ եմ՝ կհնչի հաջորդ հարցը՝ ինչո՞ւ եք համաձայնել։ Ես չէի կարող խոսել պետական ինստիտուտների դերի մասին եւ ստանալով առաջարակ՝ ինքս լքել այդ շարքերը։ Ես իմ ունակությունների, կարողությունների շրջանակներում կանգնած եմ լինելու պետականության կողքին»։

Խորհրդրի անդամ Սայիդա Պողոսյանն էլ հավելեց․ «Սա մինապատված տարածք է, որտեղ բոլորս փորձում ենք ինչ-որ ձեւով պահպանել թե Արցախ բառը, թե Արացախի ներկայացուցչությունը, թե պետական բոլոր ինստիտուտները։ Այսօր մենք չունենք Արցախ, բայց ունենք շատ խնդիրներ, բոլորս պետք է փորձենք օգնել եւ պահպանել այն ամենը, ինչ ունենք»։