Ավստրիայում դպրոցականների վրա կրակողի հայրը հայկական ծագում ուներ

Հունիսի 10-ի առավոտյան Գրաց քաղաքի դպրոցում տեղի ունեցած կոտորածի մեջ կասկածյալի [անունը չի նշվում – խմբ.] մասին որոշ մանրամասներ են հայտնի դարձել, գրում է ՌԻԱ Նովոստին։

Գրաց քաղաքում տեղի ունեցած կրակոցները երկրի պատմության մեջ ամենասարսափելիներից մեկն էին, ողբերգությունը խլեց տասը մարդու կյանք՝ 14-ից 17 տարեկան երեխաներ, ինչպես նաև 59-ամյա ուսուցչուհի։ Ներկայումս Գրացի հիվանդանոցներում հարձակումից հետո մնում է 11 մարդ։ Հարձակվողը՝ այս դպրոցի նախկին 21-ամյա աշակերտը, ով իրեն համարում էր «բուլինգի զոհ», ինքնասպան է եղել։ Նրա գործողությունների դրդապատճառները պարզ չեն։

Ինչպես հաղորդում է ավստրիական «Kronen Zeitung» թերթը՝ հղում անելով ոստիկանությանը, կասկածյալը ապրել է իր ավստրիացի մոր հետ, ով նրան մենակ է մեծացրել։ Հրատարակության տվյալներով՝ նրա հայրը Հայաստանից է, և նա ամուսնալուծությունից ի վեր նրա հետ նույն տանը չի ապրել։

Հրաժեշտի նամակից բացի, հարձակվողը նաև տեսաուղերձ է թողել մորը։ Այնտեղ նա ներողություն է խնդրում «այն բանի համար, ինչ հիմա պատրաստվում է անել»։ Այնուհետև նա շնորհակալություն է հայտնում մորը իրեն ցուցաբերած «խնամքի» համար։

Քննիչների խոսքով՝ մայրը տեսանյութը բացել է այն ստանալուց 24 րոպե անց, երբ կոտորածն արդեն կատարվել էր։

Այս պահին գործով հարցաքննվում է մի քանի հարյուր մարդ։