Թրամփը հայտարարեց Չինաստանի հետ գործարքի մասին
- 22:22 11.06.2025
Բանակցություններից հետո ԱՄՆ-ի և Չինաստանի պատվիրակությունները համաձայնության եկան փոխադարձ մաքսատուրքերի զգալի կրճատման վերաբերյալ: ԱՄՆ նախագահ Դոնալդ Թրամփը այս մասին գրել է Truth Social սոցիալական ցանցում։
«Մեր գործարքը Չինաստանի հետ պատրաստ է և ենթակա է իմ և նախագահ Սի Ցզինպինի վերջնական հաստատմանը: Հարաբերությունները հիանալի են: Շնորհակալություն այս հարցի նկատմամբ ձեր ուշադրության համար», – գրել է Թրամփը։
Համաձայնագրի շրջանակներում Վաշինգտոնը չինական ապրանքների մաքսատուրքերը կնվազեցնի մինչև 55%, իսկ Պեկինը կնվազեցնի ամերիկյան ապրանքների մաքսատուրքերը մինչև 10%: Բացի այդ, ԱՄՆ-ն կրկին թույլ կտա չինացի ուսանողներին սովորել ամերիկյան համալսարաններում, ասել է Թրամփը։