Հայաստանի հավաքականը առաջին տեղը գրավեց Եվրոպայի մինչև 17 տարեկանների հունահռոմեական ըմբշամարտի առաջնությունում
- 10:27 12.06.2025
Հայաստանի հունահռոմեական ըմբշամարտի երիտասարդական հավաքականը զբաղեցրեց առաջին տեղը մինչև 17 տարեկանների Եվրոպայի առաջնության թիմային հաշվարկում։ Այս մասին հայտնում է Հայաստանի ըմբշամարտի ֆեդերացիան։
Վրաստանը զբաղեցրեց երկրորդ տեղը, իսկ Ադրբեջանը՝ երրորդը։
Հայ ըմբիշները նվաճեցին ընդհանուր առմամբ 5 մեդալ՝ 2 ոսկե (Մարատ Աճեմյան և Հայկ Մանուկյան), 2 արծաթե (Մարտին Մանջիկյան և Ջանես Նազարյան) և 1 բրոնզե (Արարարտ Ավետիսյան)։
Նշենք, որ Եվրոպայի հունահռոմեական ըմբշամարտի երիտասարդական առաջնությունը տեղի է ունեցել Սկոպյեում (Հյուսիսային Մակեդոնիա)՝ 31 թիմի մասնակցությամբ։