ՄԱԳԱՏԷ-ն հայտնել է Նաթանզի իրանական օբյեկտում ճառագայթման արտահոսքի մասին
- 15:18 14.06.2025
Իրանի Նաթանզի ուրանի հարստացման հիմնական օբյեկտում Իսրայելի հարձակումներից հետո ալֆա ճառագայթում է արտանետվել, ուրբաթ՝ հունիսի 13-ին, հայտարարել է Միջազգային ատոմային էներգիայի գործակալության (ՄԱԳԱՏԷ) գլխավոր տնօրեն Ռաֆայել Գրոսսին։ «Նաթանզի օբյեկտից դուրս ճառագայթման մակարդակը մնացել է անփոփոխ։ Օբյեկտի ներսում առկա ռադիոակտիվ աղտոտվածության տեսակը, հիմնականում ալֆա մասնիկները, կարող են վերահսկվել համապատասխան պաշտպանիչ միջոցառումներով», – Գրոսիի խոսքերն է մեջբերում գործակալության մամուլի ծառայությունը։
Իրանի ատոմային էներգիայի կազմակերպության ղեկավար Մոհամմադ Էսլամին, իր հերթին, պնդում է, որ իսրայելական հարձակումները լուրջ վնաս չեն հասցրել Նաթանզի օբյեկտին կամ ճառագայթման արտահոսքի չեն հանգեցրել։ «Լավ է, որ վնասը եղել է գետնի մակարդակում, և մենք զոհեր չենք ունեցել։ Նաև ճառագայթման արտահոսք չի եղել, որը կարող է մտահոգություն առաջացնել բնակչության մոտ։ Մենք ներկայումս գնահատում ենք վնասը», – ասել է նա։