Հայաստանի հյուսիսում երեկ եղել է ուժեղ պտտահողմ, կան ավերածություններ
- 11:02 15.06.2025
Ուժեղ պտտահողմը նախնական տվյալներով Գյւմրիյում, Արթիկ քաղաքում, Մեծ Մանթաշ, Գետափ, Արևշատ, Նոր Կյանք, Անուշավան, Հոռոմ, Պեմզաշեն գյուղերում վնասել է բնակելի շենքերի, տների, հասարակական և գյուղատնտեսական շինությունների տանիքներ, ջերմոցային տնտեսություններ, էլեկտրահաղորդման գծեր։
Երեկ երեկոյան սաստիկ քամի է գրանցվել մի քանի մարզերում՝ Լոռիում, Արագածոտնում ու Շիրակում: Փրկարար ծառայությունը ահազանգեր է ստացել տան, վարչական շենքերի վնասված տանիքների, տապալված ծառերի մասին: Տուժածների մասին առայժմ չի հաղորդվել:
Օգտատերերը տեսանյութեր են հրապարակել Գյումրիից, որտեղ այսօր բացօթյա փառատոն է անցկացվել: Դրանցում երևում է, թե ինչպես է ուժգին քամին ծառերը տապալում, այս ու այն կողմ նետում իրեր, Թատերական հրապակում տեղադրված բատուտը հայտնվում է մեքենաների վրա, իսկ փողոցներում իսկական հեղեղ է:
Որոշ բնակավայրերում նույնպես ուժեղ կարկուտ է տեղացել։
