Երևանում ուղետոմսերի QR կոդերի թղթային տարբերակը շուտով չի գործի
- 12:42 16.06.2025
Երևանում ուղետոմսերի QR կոդերի թղթային տարբերակը, ամենայն հավանականությամբ, օգոստոսի 1-ից չի գործի։ Երևանի քաղաքապետ Տիգրան Ավինյանը գործակարգավարական նիստի ժամանակ հանձնարարեց զբաղվել այս հարցով։
«QR կոդերի թղթային տարբերակի վերացումը պետք է ապահովենք այս ամառվա ընթացքում»,– ասաց նա։
Ավինյանն ընդգծեց, որ թերհավաքագրման խնդիրներից մեկը դա է։
Նշենք, որ QR կոդերի և՛ թղթային տարբերակը, և՛ հավելվածով տարբերակը հաճախ չեն աշխատում տեխնիկական պատճառով։ Երբեմն էլ որոշ քաղաքացիներ ուղետոմսերի QR կոդերի թղթային տարբերակն օգտագործում են տարբեր տրանսպորտներից մի քանի անգամ օգտվելու համար` պատճառաբանելով, որ սարքը չի աշխատում։