Սամվել Կարապետյնին չկարողացա՞ն ձերբակալել․ Նազելին մեղադրեց Ռուսաստանին

«Ասում է՝ մենք մեր ձեւով ենք միջամտելու։ Հիմա ես քեզ իմ ձեւով կմիջամտեմ, ստահակ։ Ավելի ճիշտ՝ ձեզ»,–գրել է նա։

Գործարար Սամել Կարապետյանի եղբայրը՝ նախկին պատգամավոր Կարեն Կարետյանը հրաժարվեց մեկնաբանել Նիկոլ Փաշինյանը գրառումը։

«Ես նրա մակարդակի մարդ չեմ, որ իր լեզվով խոսեմ հետը։ Ես դասատուի տղա եմ»,–ասաց նա։

«Ինքնակոչ սրբադասվածը (որի պատկերը Մայր Աթոռի գանձարանում է) հյուսիսից ստացած դասական «մետոդիչկայով» որոշել է հայաստանյան ներքին օրակարգերին խառնվել, թե բա՝ «մենք մեր ձևով ենք միջամտելու»։ Այս մասին գրել է վարչապետի մամուլի քարտուղար Նազելի Բաղդասարյանը՝ անդրադառնալով գործարար Սամվել Կարապետյանի հայտարարությանն այն մասին, որ աջակցում է եկեղեցուն։

«Չեմ հասկանում՝ հովհարային անջատո՞ւմ է, թե՞ թույլ միացում վերջինիս մոտ։ Ամեն դեպքում՝ հողանցում արեք, ոտքերը գետնից կտրվել են։

Հայաստանը ծայրագավառ դարձնելու սրանց փորձերն ապարդյուն են։

Հ.Գ. Հայաստանի պետականության դեմ մարտնչող տաշիրիսամոների, արաաբրահամյանների և պիպոյահպատակ արբանյակներն ակտիվացել են։

Ինքնալյուստրացիա մինչև վերջ։

Խայտառակվե՛ք, կանգ մի՛ առեք»,- գրել է նա։

Փաստորեն, Նազենի Բաղդասարյանը ուղիղ ցույց է տալիս դեպի Ռուսաստան, թեկուզ իշխանությունները Կաթողիկոսին մեղադրում են ոչ թե Ռուսաստանւն ծառայելու, այլ կուսակրոնությունը չպահպանելու մեջ։

Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, մեկնաբանելով Սամվել Կարապետյանի շուրջ ստեղծված իրավիճակը, ասել է․ «Մոսկվան ուշադիր հետևում է Ռուսաստանի քաղաքացի Կարապետյանի շուրջ ստեղծված իրավիճակին, որին Երևանում սպառնում են գրեթե ձերբակալությամբ՝ տարօրինակ պատրվակներով։ Մենք նրան կտրամադրենք անհրաժեշտ օգնություն, որպեսզի նրա բոլոր օրինական իրավունքները հարգվեն», – ասել է նա ՌԻԱ Նովոստիին։

Հիշեցնենք, որ Սամվել Կարապետյանը, անդրադառնալով վերջին շրջանում իշխանությունների կողմից եկեղեցու նկատմամբ մղվող արշավին, ասել էր. «Մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա։ Ես միշտ եղել եմ հայոց եկեղեցու կողքին ու հայ ժողովրդի կողքին։ Եթե քաղաքական գործիչներին չհաջողվի, ապա մենք մեր ձևով ենք միջամտելու եկեղեցու դեմ արշավին»։

«Քաղաքացիական պայմանագիր» խմբակցության ղեկավար Հայկ Կոնջորյանը նշեց. «Այսօր ՀԷՑ–ի սեփականատեր Սամվել Կարապետյանը ոչ միայն հանդես է եկել Կտրիճ Ներսիսյանի եւ որոշ անառակաբարո տերտերների պաշտպանությամբ, այլ նաև ասում է, որ այ եթե քաղաքական գործիչները չկարողացան այս հարցը լուծել, մենք մեր ձեւերով էդ հարցը կլուծենք։ Էդ ձեր ձեւերը ո՞րն ա, լույսերն եք անջատելո՞ւ։ Լույսերը հենա անջատում եք, սկի մի թեժ գիծ չեք կարողանում կարգավորել։ ․․․Եկել է, ընդհանրապես ժամանակը քննարկելու ՀԷՑ–ի ազգայնացման գաղափարը”։