Սյունիքի հետ կապված վտանգի մասին հայտարարությունները համարում եմ սադրիչ, չհիմնավորված. Փաշինյան

«Վերջին մեկ շաբաթվա կամ ամսվա ընթացքում երևի անվտանգության խորհրդի 4, 5, 6 նիստ է հրավիրվել, բայց հաղորդագրություններ չեն լինում», – լրագրողների հետ ճեպազրույցում հայտարարեց վարչապետ Նիկոլ Փաշինյանը։

«Նիստերը նրա համար չեն, որ Սյունիքի հետ կապված վտանգ կա։ Ես այդ հայտարարությունները համարում եմ սադրիչ, պրովոկատիվ, չհիմնավորված և Հայաստանի քաղաքացիների շրջանում անհանգստություն, խուճապ և անորոշություններ գեներացնելու համար», – հայտարարեց Փաշինյանը:

Հայաստանի վարչապետը հիշեցրեց, որ Երևանն ու Բաքուն համաձայնեցրել են խաղաղության և միջպետական հարաբերությունների հաստատման մասին համաձայնագրի նախագիծը, և «ինչպես ասել եմ՝ Հայաստանի ու Ադրբեջանի միջև պատերազմ չի լինելու, լինելու է խաղաղություն»: