«Հեղաշրջման պլանի» գործով առավոտից խուզարկում են «Սրբազան պայքարի» և ՀՅԴ գործիչների տները
- 09:54 25.06.2025
Վաղ առավոտից «հեղաշրջման պլանի» գործով խուզարկում են բազմաթիվ ընդդիմադիր գործիչների տները: Այս մասին հայտնում է փաստաբան, «Հինգ իրավապաշտպանների» նախաձեռնությունից Արսեն Բաբայանը։
Իրավապահ մարմինները առավոտից խուզարկություններ են անցկացնում ընդդիմադիր «Սրբազան պայքար» շարժման կողմնակիցների տներում։ Այս մասին հաղորդվել է շարժման Telegram ալիքում։ Նշվում է, որ օպերատիվ գործողություններ են ընթանում նաև դրա առաջնորդ՝ արքեպիսկոպոս Բագրատ Գալստանյանի բնակարանում։
Ավելի ուշ ՀՅԴ-ն հայտնեց, որ խուզարկություններ և ձերբակալություններ են տեղի ունեցել կուսակցության տարածաշրջանային գրասենյակներում։ Բերման են ենթարկվել նրա որոշ անդամներ։