Ինչ աղբյուրներից է Մակրոնը տեղեկացել Հայաստանում “ապակայունացման” մասին

Ֆրանսիայի նախագահ Էմանուել Մակրոնը հայերեն գրառում է արել ՀՀ վարչապետ Նիկոլ Փաշինյանի հետ հեռախոսազրույցի վերաբերյալ։

«Շատ լավ հեռախոսազրույց ունեցա ՀՀ վարչապետ Նիկոլ Փաշինյանի հետ։

Հայտնեցի Ֆրանսիայի համերաշխությունն՝ ի պատասխան Հայաստանի ժողովրդավարությունն ապակայունացնելու փորձերի։

Նաև վերահաստատեցի մեր աջակցությունը նրա խիզախ ջանքերին՝ ուղղված Ադրբեջանի հետ խաղաղության հաստատմանը և Թուրքիայի հետ հարաբերությունների կարգավորմանը։ Խաղաղությունը և բաց սահմանները կարևոր զարգացում կլինեն ամբողջ տարածաշրջանի համար և օրինակ՝ դրա սահմաններից անդին»,– գրել է նա։

Հետաքրքիր է, Մակրոնը ո՞ր աղբյուրներից է տեղեկացել Հայաստանում “ապակայունացման փորձերի” մասին՝ Նիկոլ Փաշինյանի պատմածի՞ց, թե՞ սեփական երկրի հետախուզությունից։ Դա կարևոր է, քանի որ եթե նա չունի հետախուզական տվյալներ, ապա նշանակում է, որ Մակրոնը ամեն ինչ անում է, որպեսզի “խաղաղության գործընթացը”, այսինքն՝ տարածաշրջանում Ռուսաստանի դոմինանտը թուրքականով փոխարինելը չխափանվի։ 

Մակրոնը մինչ Փաշինյանին զանգահարելը խոսել է նաև Էրդողանի հետ, և չի բացառվում, որ Հայաստանի “ապակայունացման” մասին տվյալները նրան Էրդողանն է հայտնել։ 

Ի՞նչ գործընթացի է աջակցում Մակրոնը, անկախ դրանից, կա՞ր ապակայունացման փորձ, թե ոչ։ Կարսի պայմանագրի սահուն լեգիտիմացմա՞նը, հայկական ազգային, եկեղեցական, վարչական, տնտեսական ինստիտուտների տեղափոխմա՞նը Պոլիս։