Իսկ դուք ասում եք՝ Ռուսաստանին դուրս են մղում

Կրեմլը հայտարարել է, որ կողջունի, եթե Հայաստանի և Ադրբեջանի ղեկավարները Աբու Դաբիում համաձայնության գան խաղաղության պայմանագրի ստորագրման շուրջ, քանի որ դա խաղաղություն և կայունություն կբերի տարածաշրջանին։

«Մենք, իհարկե, ողջունում ենք նման ուղիղ երկխոսության փաստը, և բազմիցս տարբեր մակարդակներում ասել ենք, որ կողջունենք խաղաղության պայմանագրի հնարավորինս շուտ ստորագրումը», – լրագրողներին ասել է Ռուսաստանի նախագահի խոսնակը։

Դմիտրի Պեսկովը նաև պնդել է, թե Ռուսաստանը լիովին աջակցում է այդ գործընթացին, քանի որ «Նման պայմանագրի ստորագրումը կանխատեսելիություն, կայունություն և խաղաղություն կավելացնի տարածաշրջանում»։

Նախագահ Փաշինյանի և Ալիևի հանդիպումը Աբու Դաբիում դեռևս չի ավարտվել, իսկ Մոսկվան արդեն շտապում է ողջունել համաձայնությունները: Հանդիպումից առաջ Բաքուն և Երևանը փորձագիտական ​​մակարդակով փորձում էին ձևացնել, թե քննարկվում են ոչ թե ռուս-թուրքական, այլ ամերիկյան համաձայնագիր, և որ ամբողջ գործընթացն ուղղված ր Ռուսաստանին տարածաշրջանից դուրս մղելուն: Իսկ Մոսկվան ասում է, որ «խաղաղության պայմանագիրը» հենց այն է, ինչին նա երկար ժամանակ ձգտում էր, կատարելով ամբող “կեղտոտ աշխատանքը”: