Մակրոնը Նոր Կալեդոնիային «անկախություն» տվեց և դեսպանին օկուպացված Ստեփանակերտ ուղարկեց

Ֆրանսիայի նախագահ Էմանուել Մակրոնը հայտարարել է Նոր Կալեդոնիայի վերաբերյալ երկար սպասված համաձայնագրի կնքման մասին, հաղորդում է DW-ն: Հիշեցնենք, որ Նոր Կալեդոնիայի անկախության հարցը անսպասելիորեն արդիական դարձավ այն բանից հետո, երբ Ֆրանսիան աջակցեց Հայաստանին: Բաքուն հանկարծակի մտահոգվեց Ֆրանսիայի գաղութատիրությամբ, նույնիսկ հրավիրեց Ֆրանսիայի գաղութատիրական լուծը թոթափել ցանկացող երկրների համաժողով:

Եվ ահա արդյունքը՝ Ֆրանսիան և Նոր Կալեդոնիան համաձայնության են եկել: Իսկ Արցախը, որտեղից Բաքուն զանգվածային ցեղասպանության սպառնալիքի տակ վտարեց ամբողջ հայ բնակչությանը: Իսկ Ադրբեջանում Ֆրանսիայի դեսպանը մասնակցեց օկուպացված Ստեփանակերտում իսլամական գագաթնաժողովին:

Տասը օրից ավելի տևած «ինտենսիվ բանակցություններից» հետո Նոր Կալեդոնիայի ղեկավարների հետ պատմական փոխզիջում է ձեռք բերվել: Ֆրանսիայի ղեկավարը այս մասին գրել է X-ում: Այժմ Նոր Կալեդոնիան կստանա «պետության կարգավիճակ Հանրապետության կազմում» և իրավունք՝ ֆրանսիացիների հետ միասին ունենալու սեփական կալեդոնական ազգություն: Վերջնական տարբերակը կքննարկվի հատուկ համագումարում, ապա կդրվի տեղական հանրաքվեի, հավանաբար 2026 թվականի փետրվարին:

«Հիմա ժամանակն է հարգանքի, կայունության և ուժերը միավորելու՝ ընդհանուր ապագա կառուցելու համար», – գրել է Մակրոնը։ Նա շնորհակալություն է հայտնել արտասահմանյան գործերի նախարար Մանուել Վալսին և բոլոր բանակցողներին, որոնց հուլիսի 12-ի երեկոյան հրավիրել էր Ելիսեյան պալատ։

Համաձայնագիրը նաև ներառում է տարածքի համար ընդլայնված իրավունքներ՝ անվտանգության, արդարադատության և միջազգային հարաբերությունների ոլորտներում լիազորությունների հնարավոր փոխանցում, ինչպես նաև ապագայում Նոր Կալեդոնիայի դրոշի, օրհներգի և անվան փոփոխության հնարավորություն։

Բանակցությունների կողմերը՝ թե՛ լոյալիստները (ռոյալիստները), թե՛ անկախության կողմնակիցները, համաձայնագիրը ճանաչել են որպես լուրջ քայլ։ Այսպիսով, պատգամավոր Նիկոլա Մեցդորֆը ազգության ստեղծումը անվանել է իրական զիջում, իսկ վարչապետ Ֆրանսուա Բայրուն բարձր է գնահատել փոխզիջման քաղաքական նշանակությունը։