Ւնչ են շտապ պահանջել արցախցիները ՀՀ Կառավարությունից․ տեքստ

Արցախցիների իրավունքների պաշտպանության խորհրդի շտապ պահանջագիրը՝ ուղղված ՀՀ կառավարությանը

Հիմք ընդունելով 2025թ. մարտի 29-ին Արցախցիների իրավունքների պաշտպանության խորհրդի կողմից հրապարակված համապարփակ պահանջագիրը,

Հաշվի առնելով այս ընթացքում ՀՀ կառավարության կողմից ցուցաբերված խիստ սահմանափակ պատրաստակամությունը ներառական կերպով քննարկելու և լուծում տալու պահանջագրում ներկայացված հարցերին,

Ընդհանրապես բավարարված չլինելով գործող բնակարանային ծրագրում կառավարության կողմից իրականացված կամ խոստացված մասնակի բարելավումներով,

Խիստ մտահոգված լինելով ՀՀ կառավարության վերջին որոշումների պատճառով բռնի տեղահանված արցախցիների ահագնացող չքավորությամբ ու արտագաղթի ծավալներով՝

 Արցախցիների իրավունքների պաշտպանության խորհուրդը պահանջում է ՀՀ կառավարությունից հետևյալ հրատապ ու անմիջական միջոցները՝

1.  Անվերապահ կերպով վերականգնել բնակվարձի աջակցության ծրագիրը բոլոր բռնի տեղահանված արցախցիների համար, որոնք չունեն բնակարան Հայաստանում՝ մինչև տվյալ ընտանիքի բնակարանային կարիքի պատշաճ բավարարումը:
2.  Բնակարանային գործող ծրագրում իրագործել մի շարք նշանակալի բարելավումներ, այդ թվում՝ տրամադրել համապատասխան լրացուցիչ աջակցություն փոքրակազմ, զոհվածների ու այլ խոցելի ընտանիքներին, ինչպես նաև էականորեն մեծացնել աջակցությունը տուն կառուցելու բաղադրիչի համար՝ խթանելով ու օգնելով շահառու ընտանիքներին կառուցել տուն՝ անընդհատ ու անհիմն կերպով թանկացող երկրորդային շուկայից գնելու փոխարեն:
3.   Ներդնել ներառական ու արդյունավետ մեխանիզմ՝ Խորհրդի մարտի 29-ի պահանջագրի մնացած կետերի քննարկման ու իրականացման համար, որոնք կապահովեն Արցախի ժողովրդի իրավունքների պաշտպանությունն ու վերականգնումը՝ թե ներքին և թե՛ արտաքին քաղաքական հարցերում:

 Արցախցիների իրավունքների պաշտպանության խորհրդ

 14 հուլիսի, 2025թ.