Մի րոպե․ Փաշինյանը բացատրեց, թե ինչպես Արցախը ճանաչեց ոչ հայկական
- 14:03 16.07.2025
Լուսանկարում՝ Ստեփանակերտ, 2019-ի օգոստոսի 5, Փաշինյանը հայտարարում է՝ Արցախը Հաայստան է և վերջ
Նիկոլ Փաշինյանին այսօրվա ասուլիսում հարց ուղղվեց, թե սկզբում ասում էր, որ Արցախի ժողովրդի կողմից մանդատ չունի, ինչո՞ւ առանց այդ մանդատի Արցախը ճանաչեց Ադբերջանի կազմում։
«Այո, ես ճանաչել եմ Ադրբեջանի տարածքային ամբողջականությունը, ներառյալ Ղարաբաղը։ Դա 2022 թվականի հոկտեմբերն էր։ 2022 թվականի սեպտեմբեր-հոկտեմբերին տեղի ունեցան հայտնի իրադարձութունները, որի համատեքստում մենք դիմեցինք ՀԱՊԿ-ին, որովհետեւ առաջացել էր այն իրադրությունը, որն առաջացնում էր կոնկրետ պարտավորություն ՀԱՊԿ համար։ Դուք հիշում եք 2022 թվականի սեպտեմբերյան իրադարձությունները։ Ասացին՝ այնտեղ սահմանը պարզ չէ, պարզ չէ՝ Հայաստանի տարածք է, թե Հայաստանի տարածք չէ։
Եվ այդ ժամանակ մեզ մոտ հարց ծագեց, թե այն կարմիր գիծը, որի մասին մեզ հավատիացումներ էին տրվել, որտեղո՞վ է անցնում։ Մեր առաջին ռեակցիան այն էր, որ մի րոպե, ՀԱՊԿ դաշնակիցները մեր հանրապետության տարածքային ամբողջականությունը չեն ճանաչում փաստորեն։ Հաջորդ հարցը հետեւյալն էր՝ իսկ մենք մեր երկրի տարծքային ամբողջականությունը ճանաչում ենք, թե՞ չէ։ Եվ այստեղ է, որ եկավ գիտակցումը, որ մենք չենք կարող ինքներս մեր երկրի տարածքային ամբողջականությունը ճանաչել՝ առանց ճանաչելու մեր հարեւանների տարածքային ամբողջականությունը։ Հետեւաբար, 2022 թվականի հոկտեմբերի 6-ին ես՝ որպես ՀՀ վարչապետ, ճանաչել եմ ՀՀ տարածքային ամբողջականությունը»,- ասաց նա