Հայաստանի ԱԽ քարտուղարը հեռախոսազրույց է ունեցել Իրանի գործընկերոջ հետ
- 19:53 17.07.2025
Հայաստանի ԱԽ քարտուղար Արմեն Գրիգորյանը և Իրանի ազգային անվտանգության գերագույն խորհրդի քարտուղար Ալի Աքբար Ահմադիանը հեռախոսազրույցի ընթացքում քննարկել են տարածաշրջանային վերջին զարգացումները:
Գրիգորյանը ցավակցություն է հայտնել Իսրայել-Իրան 12-օրյա պատերազմի արդյունքում զոհվածների ընտանիքի անդամներին և շուտափույթ ապաքինում մաղթել վիրարվորներին:
Արմեն Գրիգորյանն ընդգծել է ՀՀ դիրքորոշումը տարածաշրջանային կապուղիների ապաշրջափակման հարցում՝ հիմնված տարածաքային ամբողջականության, ինքնիշխանության և իրավազորության վրա։ Ահմադիանը վերահաստատել է Իրանի դիրքորոշումն ապաշրջափակման հարցում և աջակցություն հայտնել Հայաստանի դիրքորոշմանը:
Գրիգորյանն ու Ահմադիանը կարևորել են տարածաշրջանում անվտանգության և կայունության պահպանման հրամայականը:
Զրուցակիցները քննարկել են նաև Հայաստան-Իրան երկկողմ համագործակցության օրակարգային հարցեր:
Հեռախոսազրույցը տեղի է ունեցել Թուրքիայում ԱՄՆ դեսպանի վերջին հարցազրույցից հետո, որի ընթացքում Թոմ Բարաքը հայտարարել էր, թե հայ-ադրբեջանական տարաձայնությունները հարթելու համար Ամերիկան առաջարկել է 100 տարով վարձակալել Իրանի հետ սահմանակից Սյունիքով անցնող ճանապարհը