ՆԱՏՕ-ի գեներալը սպառնում է “շատ կարճ ժամանակահատվածում” ջնջել Կալինինգրադը

  • 16:01 18.07.2025

Կալինինգրադի մարզը բոլոր կողմերից շրջապատված է ՆԱՏՕ-ի անդամ երկրներով, և Հյուսիսատլանտյան դաշինքը կարող է «ջնջել այն քարտեզից անհավանական ժամանակում և ավելի արագ, քան մենք երբևէ կարողացել ենք անել»։ Այս մասին հայտարարել է Եվրոպայում և Աֆրիկայում ԱՄՆ ցամաքային զորքերի հրամանատար, գեներալ Քրիստոֆեր Դոնահոն, որի խոսքերը մեջբերել է Defense News-ը հինգշաբթի՝ հուլիսի 17-ին։

Գերմանիայի Վիսբադեն քաղաքում կայացած ԱՄՆ բանակային ասոցիացիայի LandEuro առաջին համաժողովում Դոնահոն ներկայացրել է «Զսպում արևելյան թևում» նոր ծրագիր՝ դաշինքի շրջանակներում ցամաքային կարողությունները ամրապնդելու և ռազմաարդյունաբերական համատեղելիությունն ապահովելու համար։

Սա ներառում է դաշնակից համակարգերի ստանդարտացում, հրթիռային կայանքների օգտագործման հնարավորություն և գործողությունների համակարգում՝ շեշտը դնելով ամպային տեխնոլոգիաների վրա։