Ջերմաստիճանը կտրուկ կբարձրանա, կպահպանվի առնվազն հինգ օր
- 01:17 19.07.2025
Հուլիսի 21-ից Հայաստանը կծածկվի տաք արևադարձային օդային զանգվածներով, ասել է Հիդրոօդերևութաբանության և մոնիթորինգի կենտրոնի պետի տեղակալ Գարիկ Սուրենյանը։
Հարավից ներթափանցող օդային հոսանքների հետևանքով Արարատյան դաշտում, Սյունիքի ցածրադիր գոտիներում և Երևանում սպասվում է ջերմաստիճանի կտրուկ բարձրացում։
Ցերեկը, հատկապես ժամը 16:00-ից 17:00-ն ընկած ժամանակահատվածում, շոգը կարող է հասնել +38-40 աստիճանի։
Առաջիկա հինգ օրերին այս շրջաններում կանխատեսվում է հրդեհավտանգության բարձր աստիճան։