Զախարովան Գորդոնի` Ստեփանակերտում հայտնվելու համար չմեղադրեց Ալիևին
- 22:38 24.07.2025
Մոսկվան Արևմուտքի միջամտությունն է տեսնում ուկրաինացի լրագրող Դմիտրի Գորդոնի Ստեփանակերտում կայացած ֆորումում հայտնվելու մեջ։ Այս մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։
«Այս ծայրահեղական «կուկուն» առանց պատճառի չի նետվել։ Հետևաբար, ես բացարձակապես համաձայն եմ նրանց հետ, ովքեր տեսնում են Արևմուտքի ձեռքը ամեն ինչում, ինչ տեղի է ունենում, մեր տարածքում, մեր երկրներում խաղաղության և կայունության ատողների արևմտյան ձեռքը», – ասել է Զախարովան։
Միայն էրոտիկ ֆանտազիաներում Զախարովան կարող էր պատկերանել մի սցենար, ըստ որի «արևմտյան ատողները» կուկու Գորդոնին նետել են ռուս «խաղաղապահների» կողմից լքված Ստեփանակերտ՝ Մոսկվային նյարդայնացնելու համար։ Ալիևն ու Էրդողանը դրա հետ կապ չունեն, նրանց չի կարելի մեղադրել, քանի որ հենց Ռուսաստանն էր, որ Բաքվի և Անկարայի հետ միասին ստեղծեց համատեղ հետախուզական կենտրոն Արցախում։ Եվ հենց նրանց հաջողությամբ հանձնեցին Ղարաբաղը՝ «ազատագրված» հայերից։
Հիշեցնենք, որ ուկրաինացի քարոզիչ Դմիտրի Գորդոնը մասնակցել է օկուպացված Ստեփանակերտում կազմակերպված ֆորումին՝ մի շարք հայտնի մեսիա-դեմքերի հետ միասին։ Նա Ադրբեջանն անվանել է իր երկրորդ տունը և բաց չի թողել Ալիևին շոյելու հնարավորություն։
Մոսկվան նաև չի տեսնում Զելենսկիին կապը Ալիևի հետ, չնայած որ 2020 թվականի ընտրություններից հետո Զելենսկին գնացել է «նշելու» իր հաղթանակը ոչ այլ տեղ, քան SOCAR-ի բենզալցակայան, որտեղ քյաբաբ է կերել ադրբեջանցի հովանավորների հետ։
Ալիևին քնքշանքով են վերաբերվում և՛ Մոսկվայում, և՛ Կիևում։ Ոչ ոք նրան չի հանդիմանում այն բանի համար, որ Ռուսաստանի կողմից Ուկրաինա ներխուժումից երկու օր առաջ Պուտինը և Ալիևը ստորագրել են ռազմավարական համագործակցության մասին համաձայնագիր։ Ոչ ոք չի ասում, որ Ալիևի ղարաբաղյան քմահաճույքները, որոնց ծափահարում են Կիևը և Մոսկվան, դոմինոյի էֆեկտ կտան ոչ միայն Ռուսաստանու և Ուկրաինայում։ Այս երկրների «ղարաբաղացման» գործընթացն արդեն սկսվել է։
