Հյուսիսային Կովկասի օդանավակայաններում սահմանափակումներ են մտցվել
- 08:36 25.07.2025
«Գորգ» ծրագիր է մտցվել է Հյուսիսային Օսիայում, իր Telegram ալիքում հայտարարել է հանրապետության ղեկավար Սերգեյ Մենյայլոն։ Նրա խոսքով՝ միջոցառումները վերաբերում են նաև Հյուսիսային Կովկասի դաշնային շրջանի (ՀԿԴՇ) մյուս շրջաններին։
Հյուսիսային Օսիայից բացի, ՀԿԴՇ-ի մեջ են մտնում նաև Դաղստանը, Ինգուշեթիան, Կաբարդինո-Բալկարիան, Կարաչայ-Չերկեսիան, Ստավրոպոլի երկրամասը և Չեչնիան։
«Գորգ» ծրագիրը կիրառվում է սահմանների անօրինական հատման, ինչպես նաև օդային տարածքում անհայտ օբյեկտների հայտնվելու դեպքում։ Դրա ներդրումից հետո բոլոր ինքնաթիռները պետք է լքեն նշված գոտին կամ անմիջապես վայրէջք կատարեն։ Այս ծրագիրը հայտարարվում է Ռուսաստանի ՀՕՊ գործակալությունների կողմից։ Այնուհետև քաղաքացիական ինքնաթիռները ռեժիմի մասին հաղորդագրություն են ստանում մոտակա օդանավակայանի դիսպետչերից, իսկ ռազմական ինքնաթիռները՝ ՀՕՊ հերթապահ սպայից։
Մինչ այդ անօդաչու թռչող սարքերի հարձակման սպառնալիք էր հայտարարվել Հյուսիսային Օսիայում, Դաղստանում և Ստավրոպոլի երկրամասում։ Անօդաչուների հարձակման վտանգ կա նաև Մորդովիայի, Բելգորոդի, Պենզայի, Լիպեցկի, Վորոնեժի շրջաններում, ինչպես նաև Աստրախանի մարզի Ախտուբինսկի շրջանում։