Տեղեկությունները, թե իբր «Ջերմուկի ուղղությամբ բանակային դիրք է գրավվել», չեն համապատասխանում իրականությանը. ՊՆ
- 14:08 28.07.2025
Ի պատասխան ԶԼՄ հարցումների, ՀՀ պաշտպանության նախարարությունից հայտնում են, որ մամուլում և սոցցանցերում շրջանառվող այն տեղեկությունները, թե իբր «Ջերմուկի ուղղությամբ բանակային դիրք է գրավվել», չեն համապատասխանում իրականությանը:
«Հորդորում ենք զերծ մնալ կեղծիք և ապատեղեկատվություն տարածելուց, հատկապես որ պաշտպանության նախարարությունը լրագրողական առաջին իսկ հարցմանն ի պատասխան հերքել է այդ տեղեկությունը»,- նշել է ՊՆ խոսնակը:
Հիշեցնենք, որ ավելի վաղ նշված բովանդակության լուրը տարածել էր «Երկիր» հրատարակությունը՝ նշելով, որ դիրքը «զբաղեցվել է 8 օր առաջ»։ Նշվել էր, որ «դա Ջերմուկ քաղաքին գրեթե կպած բարձունք է»։