Մեծ Բրիտանիան կճանաչի Պաղեստինի պետությունը, եթե Իսրայելը չկատարի պայմանները
- 22:54 29.07.2025
BBC
Մեծ Բրիտանիան կճանաչի Պաղեստինի պետությունը սեպտեմբերին ՄԱԿ-ի Գլխավոր ասամբլեայում, հայտարարել է վարչապետ Քեյր Սթարմերը, եթե «Իսրայելի կառավարությունը նշանակալի քայլեր չձեռնարկի Գազայի սարսափելի իրավիճակին վերջ դնելու համար»։
Սթարմերը բացատրել է, որ Իսրայելը պետք է համաձայնի հրադադարի և պարտավորվի աշխատել կայուն խաղաղության գործընթացի ուղղությամբ՝ վերակենդանացնելով «երկու պետություն երկու ժողովուրդների համար» հեռանկարը։
Բացի այդ, Իսրայելը պետք է թույլ տա ՄԱԿ-ին մարդասիրական օգնություն տրամադրել պաղեստինցիներին և հրաժարվել Արևմտյան ափի տարածքների անեքսիայից։
Եթե Իսրայելը չբավարարի այս պայմանները, Մեծ Բրիտանիան կճանաչի Պաղեստինի պետությունը։
Սթարմերը նաև ասել է, որ Համասը պետք է ազատ արձակի մնացած պատանդներին, համաձայնի հրադադարի, վայր դնի զենքերը և ընդունի, որ խումբը որևէ դեր չի ունենա Գազայի հատվածի կառավարման գործում։
Նմանատիպ հայտարարություն վերջերս արել է Ֆրանսիայի նախագահ Մակրոնը։