Կիբեռհարձակումներ, Ռուսաստանի գաղտնի զենքը և «Բարև, նոր պատերազմ»

Այն, ինչ աշխարհը անվանում է հիբրիդային պատերազմ, հիմա չի սկսվել. ինչպես ասում են, ներխուժումների ժամանակ մոնղոլները սուլիչներ էին կցում նետերին՝ թշնամուն վախեցնելու համար. այդպիսի թռչող նետերից հարյուրապատիկ ավելի աղմուկ էր բարձրանում։

Յուրաքանչյուր սերունդ իր լրացումներն է հորինում հիբրիդային պատերազմի համար։ Հիմա մենք ականատես ենք լինում էլեկտրոնային պատերազմի գագաթնակետին. վերջերս Ռուսաստանում «Աէրոֆլոտի», դեղատների և այլ ցանցերի վրա հաքերային հարձակումը ոչ պակաս փլուզում առաջացրեց, քան ռումբի պայթյունը։

Վերլուծաբանները նշում են, որ Silent Crow ևCyber Partisans-ի հակերների հարվածները լավ մտածված արշավի մի մասն են, որը նպատակ ունի խաթարել Ռուսաստանում նորմալության զգացումը. «Ուկրաինան գործում է հետևողականորեն և խոհեմորեն. տոնական սեզոնի գագաթնակետին չվերթները մեկը մյուսի հետևից խափանվում են, ինչը մեծացնում է ներքին դժգոհությունը»։

Ֆրանսիական պաշտպանական «Նավալ Գրուպ» ընկերությունը, որը մասնագիտանում է նավերի և սուզանավերի արտադրության մեջ, ևս բախվել է լայնածավալ կիբերհարձակման։

Վերջին շաբաթվա ընթացքում խոշոր խափանումներ են նկատվել նաև հայկական ArСa բանկային համակարգում. մարդիկ ժամերով չեին կարողանում առցանց գործարքներ կատարել, խանութներում քարտային տերմինալները չեին աշխատում, և անվստահությունը անկանխիկ համակարգի նկատմամբ, որի մեջ ընկղմվել է Հայաստանը, աճում է։

Արհեստական բանականության դերը նույնպես արագորեն աճում է։ Ինչպես պարզվեց, Վարդավառի տոնակատարության ժամանակ նորապսակների ռեկլամային լուսանկարը արհեստական էր։

Աշխարհի լրատվամիջոցները քննարկում են նաև ամերիկյան հայտնի թերթերից մեկում քաղցած պաղեստինցի տղայի լուսանկարը, որը նույնպես պարզվեց, որ արհեստական ​​բանականության արդյունք է։

Միևնույն ժամանակ, Կամչատկայում երեկ տեղի ունեցած երկրաշարժը, ամբողջ աշխարհում ցունամիի սպառնալիքը նույնպես կասկածներ առաջացրեց։

«Ռուսաստանը կարող էր նոր գաղտնի զենք օգտագործել կամ նույնիսկ միջուկային զենք օգտագործել ջրի տակ, այսինքն՝ սա իրականում ստորջրյա միջուկային պայթյուն է, որը ցունամի է առաջացրել։ Ի դեպ, ուզում եմ հիշեցնել, որ նման զենքի մշակման վերաբերյալ քննարկումները երկար ժամանակ ընթանում են, քննարկումներ են եղել։ Ի դեպ, հենց Ռուսաստանն է, որը համակարգվածորեն սպառնում է միջուկային զենք օգտագործել», – իր YouTube ալիքում առաջարկել է Ալեքսանդր Մուսիենկոն։