Թրամփը խորհուրդ է տալիս «չկայացած» Մեդվեդևին զգույշ լինել իր խոսքերի հարցում

ԱՄՆ նախագահ Դոնալդ Թրամփը կրկին կոշտ քննադատության է ենթարկել Ռուսաստանին՝ մեկնաբանելով Ռուսաստանի նախկին նախագահ, ներկայումս Անվտանգության խորհրդի փոխնախագահ Դմիտրի Մեդվեդևի հայտարարությունը, նշելով, որ նա անցնում է ընդունելի սահմանները։

Նա իր մեկնաբանությունը հրապարակել է սեփական Truth Social սոցիալական ցանցում. «Ինձ համար միևնույն է, թե ինչ է անում Հնդկաստանը Ռուսաստանի հետ։ Թող նրանք միասին ոչնչացնեն իրենց մեռած տնտեսությունները։ Ինձ համար միևնույն է։ Մենք շատ քիչ համագործակցություն ունենք Հնդկաստանի հետ, նրանց մաքսատուրքերը չափազանց բարձր են, աշխարհում ամենաբարձրերից»։ Այնուհետև նա շարունակեց գնահատել ԱՄՆ-Ռուսաստան հարաբերությունների վիճակը. «Ինչ վերաբերում է Ռուսաստանին, ԱՄՆ-ն գրեթե ոչ մի ընդհանուր գործ չունի նրանց հետ։ Եվ թողնենք այնպես, ինչպես կա»։

Այնուհետև նախագահ Թրամփը խոսեց Մեդվեդևի դեմ, որին նա ուղղակիորեն անվանեց պարտված. «Ասեք Մեդվեդևին, այս չկայացածին, Ռուսաստանի նախկին նախագահին, որը դեռ կարծում է, որ իշխանության գլուխ է, որ զգույշ լինի իր խոսքերի հետ, քանի որ նա մտնում է շատ վտանգավոր տարածք»։

2010 թվականին Մեդվեդևը, լինելով «միջուկային տերության» նախագահ, մանկական ուրախությամբ ընդունեց Սթիվ Ջոբսից iPhone-ը։ Այնուհետև Մեդվեդևը ստանձնեց Յոտաֆոնի ստեղծումը, բայց այն այդպես էլ չճանաչվեց աշխարհում։ Հիմա նա «նրանց» անվանում է սրիկաներ և ատում նրանց։