Մենք ենք մեր սարերը. «Պահպանելով Արցախը» ծրագրով՝ մաշակութային հարթակ
- 17:48 04.08.2025
Ուրախ ենք կիսվել մեր մեկ այլ նախաձեռնության առաջընթացով։Արցախի ոչ նյութական մշակութային ժառանգության պահպանումը «Մենք ենք մեր սարերը» գործակալության կարևորագույն առաքելություններից է։
Արցախի ժողովրդի զանգվածային բռնի տեղահանությունից հետո մեր առջև կանգնեց սրբազան խնդիր՝փրկել ոչ միայն մարդկանց, այլև նրանց լեզուն, հուշերը, ավանդույթներն ու արհեստները։
Այսպես ծնվեց «Պահպանելով Արցախը» ծրագիրը՝
նպատակ ունենալով ստեղծել միաժամանակ հիշողության, ինքնության և մշակութային վերապրումի հարթակ։
Արդեն թվայնացվել է ավելի քան 10,000 էջ բանավոր ժառանգություն։ Էլեկտրոնային հարթակի գործարկումը նախատեսված է 2025-ի հոկտեմբերին։ Նախաձեռնությունը կյանքի է կոչվում Գալուստ Կիւլպէնկեան հիմնարկութեան աջակցությամբ։
Եթե չգործենք այսօր , վաղը կարող է ուշ լինել։
Հետևեք մեզ՝ շուտով կկիսվենք հարթակի նախադիտմամբ և համագործակցության հնարավորություններով։