Որտե՞ղ է Հայաստանում ջերմաստիճանը հասնելու +42°C

Օգոստոսի առաջին տասնօրյակը Հայաստանում կլինի ամենատաքը։ Այս մասին երկուշաբթի օրը մամուլի ասուլիսում հայտարարեց «Հիդրոօդերևութաբանության և մոնիթորինգի կենտրոն» ՊՈԱԿ փոխտնօրեն Գարիկ Սուրենյանը։

Արարատում, Արմավիրում, Վայոց ձորում սպասվում է +40°С – +42°С, ՍՅՈՒՆԻՔՈՒՄ՝ +39°С – +42°С, Երեւանում՝ +40°С – +42°С։

Օգոստոսի 10-ից կանխատեսվում է օդի ջերմաստիճանի 3-4 աստիճանով նվազում։ Հայաստանի ամենատաք վայրերում՝ Սյունիքում, Երևանում, ջերմաչափը կիջնի մինչև +36°С – +37°С։

Սուրենյանը նաև նշեց, որ Հայաստանում պատմական առավելագույնը գրանցվել է առաջին անգամ՝ 2011 թվականի հուլիսի 31-ին Մեղրիում, երբ ջերմաչափը հասել է +43.7°С, և 2018 թվականի հուլիսի 12-ին Երևանում՝ +42.4°С։