«Ստեփանակերտի քաղաքապետարանի գործով» երեկ հանվեց խափանման միջոցը
- 13:53 06.08.2025
«Ստեփանակերտի գործով» երեկ կայացավ հերթական դատական նիստ։
Ինչպես գրում է փաստաբան Ռուբեն Մելիքյանը, մեղադրյալի աթոռին են Արցախի մայրաքաղաքի քաղաքապետն ու ավագանու հինգ անդամները։ Դատարանն ավարտեց մեղադրանքի կողմի ապացույցների հետազոտումը, որից հետո դատապաշտպանները միջնորդեցին վերացնել մեղադրյալների նկատմամբ կիրառված խափանման միջոցը՝ բացակայելու արգելքը։
Լսելով կողմերին՝ դատարանը որոշեց միջնորդությունը բավարարել։
Հիշեցնեմ, որ այս ամոթալի գործով Ստեփանակերտի քաղաքապետը հետապնդման է ենթարկվում 2024թ. հունիսից – նախ, բանտային կալանք, հետո՝ տնային կալանք, հետո՝ մոտ 5 ամիս «կիսատնային կալանք», գրել է Մելիքյանը։