Ալիևի հաղթանակներով ուրախացող Զելենսկին պատրա՞ստ է Դոնբասը 99 տարով վարձակալության տալ ռուսներին
- 12:09 09.08.2025
«Ուկրաինացիները իրենց հողը չեն նվիրի օկուպանտին», – առավոտյան տեսաուղերձում ասաց Ուկրաինայի նախագահ Վլադիմիր Զելենսկին։
«Ուկրաինայի տարածքային հարցի պատասխանն արդեն իսկ Ուկրաինայի Սահմանադրության մեջ է։ Ոչ ոք չի նահանջի և չի կարող նահանջել դրանից», – հավելեց նա։
Նրա հայտարարությունը հնչեց Մեծ Բրիտանիայում Ուկրաինայի, ԱՄՆ-ի և մի քանի եվրոպական երկրների ներկայացուցիչների հնարավոր հանդիպումից առաջ՝ Դոնալդ Թրամփի և Վլադիմիր Պուտինի օգոստոսի 15-ին Ալյասկայում կայանալիք գագաթնաժողովին ընդհանուր դիրքորոշում մշակելու համար։ Զելենսկին նաև ընդգծեց, որ Ուկրաինան «պատրաստ է իրական լուծումների, որոնք կարող են խաղաղություն բերել»։
Հիշեցնենք, որ երեկ Փաշինյանի և Ալիևի հետ համատեղ մամուլի ասուլիսի ժամանակ, որի ժամանակ հայտարարվեց Հայաստանի հարավային մասը ԱՄՆ-ին և Ադրբեջանին «99 տարի ժամկետով» փոխանցելու մասին, Թրամփը հայտարարեց, որ կհանդիպի Պուտինի հետ և կքննարկի, «հավանաբար, տարածքների փոխանակում»։
Կիևում, որտեղ ավանդաբար ուրախանում են Ալիևի հաղթանակներով և Հայաստանի պարտություններով, այժմ քննարկում են Թրամփի առաջարկած որոշակի նախագիծ, որը, ըստ ներքին աղբյուրների, ևս ենթադրում է ուկրաինական տարածքների Ռուսաստանին փոխանցում «99 տարվա վարձակալության պայմանով»։
Զելենսկու հայտարարությունները, որ նա պատրաստ է խաղաղության, բայց ոչ Սահմանադրությունը խախտելու և հողեր նվիրելու, նշանակում են, որ «վարձակալության» տարբերակը համարվում է ընդունելի։
Մոսկվան պահանջում է միայն մի փոքր բան՝ որ Ուկրաինան դուրս գա Սլավյանսկ, Կրամատորսկ, Պոկրովսկ, Կոնստանտինովկա, Դրուժկովկա, Սևերսկ և Լիման քաղաքներից։
Թրամփի առաջարկած Ուկրաինայի և Ռուսաստանի միջև «խաղաղությունը» ոչ միայն լեգիտիմ տարածքների (այս դեպքում՝ ուկրաինական և հայկական) բռնազավթման օրինականացումն է, այլև սահմանադրական տարածքները հանձնելու հարկադրանք։
Ուկրաինան, ԵՄ-ն և ուրիշներ, որոնք ուրախանում են Երևանի կողմից ցեղասպանության սպառնալիքի տակ 2020-23 թվականներին իր սահմանադրական տարածքներից հրաժարվելու կապակցությամբ (ՀՀ Սահմանադրության համաձայն՝ Արցախը Հայաստանի մաս է կազմում), պետք է ստանաին ճիշտ նույն որոշումը Ուկրաինայի հարցում։
Ուրախացե՛ք, Թրամփն ու Պուտինը խաղաղություն կբերեն ամբողջ աշխարհին։