ԵԱՀԿ-ն պատրաստ է իրականացնել օգոստոսի 8-ին Վաշինգտոնում ստորագրված Հայաստանի, ԱՄՆ-ի և Ադրբեջանի եռակողմ հռչակագրի դրույթները։ Այս մասին ասվում է կազմակերպության գլխավոր քարտուղար Ֆերիդուն Սինիրլիօղլուի հայտարարության մեջ։
Հիշեցնենք, որ Սինիրլիօղլուն Թուրքիայի նախկին արտաքին գործերի նախարարն է։
«ԵԱՀԿ-ն հանձնառու է Հայաստանում և Ադրբեջանում երկարատև խաղաղություն և կայունություն հաստատելու բոլոր ջանքերին», – ասվում է կազմակերպության գլխավոր քարտուղարի հայտարարության մեջ։
Հիշեցնենք, որ օգոստոսի 8-ին Վաշինգտոնում կնքված Փաշինյան-Թրամփ-Ալիև գործարքի կետերից մեկը Երևանի և Բաքվի համատեղ դիմումն էր ԵԱՀԿ-ին՝ 1992 թվականին ստեղծված ԵԱՀԿ Մինսկի խմբի մանդատը չեղյալ համարելու խնդրանքով։ Խումբը նպատակ ուներ գտնել ղարաբաղյան հակամարտության կարգավորման ուղիներ։ Իր փաստաթղթերում ԵԱՀԿ-ն ելնում է 1994 թվականի իրողություններից։
Ֆրանսիան անմիջապես աջակցեց Մինսկի խմբի մանդատը չեղյալ համարելու մտադրությանը։ Ռուսաստանը դա արել էր ավելի վաղ, իսկ Թրամփը, ստորագրելով հռչակագիրը, նույնպես աջակցեց այս որոշմանը։
Հիմա, երբ Երևանն ու Բաքուն խոսում են խաղաղության մասին, 1994 թվականի իրականությանը վերադառնալը ոչ մեկին ձեռնտու չէ։ Հայկական կողմը պետք է խոսեր այս մասին, բայց լռում է։