Բաթումիի առաջնության ոսկե մեդալակիրներից մեկը արցախցի Դավիթ Հովհաննիսյանն է

Օրերս կայացած Բաթումիի միջազգային բաց առաջնությանը Հայատանի ավանդական ուշուի ֆեդերացիան ներկայացել է 26 մարզիկ։

Միջոցառման մասնակիցները մրցում էին ուշուի երկու ոճում` սանդա և թաոլու։ Արդյունքում սանդա ուշուի ոճում Հայաստանի թիմը նվաճեց 9 ոսկի, 6 արծաթ, 4 բրոնզե, իսկ թաոլու ոճում` 2 ոսկի, 2 արծաթ, 1 բրոնզե մեդալներ։

Առաջնությանը պատվով հանդես է եկել արցախցի մեր հայրենակից Դավիթ Հովհաննիսյանն, ով տանելով բացարձակ հաղթանակ, նվաճեց ոսկե մեդալ։

Ավանդական ուշույով Դավիթը զբաղվում է փոքրուց և արդեն ունի բազմաթիվ մրցանակներ։

Շնորհավորում ենք Դավիթին և առաջնության մյուս մասնակիցներին և մաղթում նորանոր հաղթանակներ։

Արսեն Աղաջանյան