Սլացք»-ի նպատակն է` աջակցել արցախցի կանանց. դիմեք

  • 22:20 11.08.2025
«Սլացք» 4-ի հայտադիմումը բաց է․ նոր փուլ՝ նոր հնարավորություններով
«Սլացք»-ը դինամիկ նախաձեռնություն է, որի նպատակն է աջակցել արցախցի կանանց՝ հզորանալ նոր միջավայրում, ձեռք բերել պահանջված հմտություններ և կայուն աշխատանքային հնարավորություն։ «Սլացք» ծրագրի այս փուլն իրականցվում է ՀԱՀ Շարունակական կրթության հետ համագործակցությամբ՝ Հայ Կանանց Միջազգային Ասոցիացիայի (AIWA) «Հզորացման ուղի» (Empower Path) ծրագրի շրջանակում։
«Սլացք»-ի 4-րդ փուլում առաջարկում ենք եռամսյա առկա վերապատրաստում որպես վիրտուալ օգնականներ, որը նախատեսված է մասնագիտություն կամ աշխատանք փնտրող կանանց համար։
💡 Ի՞նչ եք սովորելու ծրագրի ընթացքում․Ծրագիրը ներառում է՝
🔹 Մասնագիտական վերապատրաստում
🔹 Անգլերենի դասեր
🔹 Փափուկ հմտությունների ուսուցում
🔹 Հոգեկան առողջության սեսիաներ
🔹 Աշխատանք գտնելու աջակցություն
👩‍💼 Ովքե՞ր կարող են դիմել
Ծրագիրը նախատեսված է Արցախից բռնի տեղահանված կանանց համար, ովքեր այս պահին բնակվում են Երևանում կամ հարակից մարզերում։
ℹ️Ծրագրին դիմելու նախապայման է անգլերենի և համակարգչային հմտությունների բազային մակարդակի իմացություն, քանի որ դասընթացները հիմնված են այդ հմտությունների վրա։
📍 Դասընթացները առկա/օֆլայն են, որոնք տեղի կունենան ք․ Երևանում։
Տեղերը սահմանափակ են՝ 25 մասնակից։
🗓 Ծրագրի տևողությունը՝ 01/09/2025 – 30/11/2025
📌 Դիմելու վերջնաժամկետ՝ 21/08/2025
🔗 Գրանցվելու համար սեղմեք հղումը