Թրամփը մեղադրում է Զելենսկուն, որը չի ուզում հողերը հանձնել. եղի՜ր Փաշինյանի պես

Դոնալդ Թրամփը հրապարակավ պահանջել է, որ Ուկրաինայի առաջնորդ Վլադիմիր Զելենսկին զիջի ուկրաինական տարածքները Ռուսաստանին։ Թրամփը դժգոհություն հայտնեց այն փաստից, որ Զելենսկին հրաժարվում է ուկրաինական հողերը զիջել Ռուսաստանի Դաշնությանը և փաստացի մեղադրեց Ուկրաինայի նախագահին Կրեմլի կողմից սանձազերծված պատերազմի մեջ։

«Այսինքն, Զելենսկին թույլտվություն ունի պատերազմ սկսելու և բոլորին սպանելու, իսկ հիմա նրան թույլտվություն է պետք տարածքներ փոխանակելու համա՞ր», – ասաց ամերիկացի առաջնորդը՝ մեկնաբանելով այն փաստը, որ Ուկրաինայի նախագահը չի կարող հողեր զիջել առանց Սահմանադրական դատարանի և խորհրդարանի հաստատման։

«Տարածքների փոխանակումը տեղի կունենա՝ ես դրա մասին գիտեմ ռուսական կողմից և բոլորի հետ զրույցների միջոցով։ Ուկրաինայի օգտին։ Դա լավ կլինի Ուկրաինայի համար, ոչ թե վատ։ Բայց նաև մի փոքր վատ՝ երկու կողմերի համար», – ասաց ԱՄՆ առաջնորդը։

Կրեմլը հրադադարի դիմաց պահանջում է, որ իրեն հանձնվեն ամբողջ Դոնեցկի և Լուգանսկի մարզերը, այդ թվում՝ այն շրջանները, որոնք իր բանակը չի կարողանում գրավել: Եվ, ըստ երևույթին, Վաշինգտոնը այս տարբերակը համարում է ընդունելի: <…> Մենք կփոխենք առաջնագիծը», – ասել է Թրամփը։

Զելենսկին ընդգծել է, որ «ուկրաինական տարածքային հարցի պատասխանն արդեն իսկ Ուկրաինայի Սահմանադրության մեջ է» և որ «ոչ ոք չի կարողանա նահանջել դրանից, ուկրաինացիները չեն տա իրենց հողերը օկուպանտներին»: Հարցումների համաձայն, այս դիրքորոշումը պաշտպանում է Ուկրաինայի քաղաքացիների բացարձակ մեծամասնությունը։

Ուկրաինացիներին ուղղված իր երեկոյան ելույթում Վլադիմիր Զելենսկին ասել է, որ Ռուսաստանը չի ցուցաբերում պատերազմը դադարեցնելու պատրաստակամության ոչ մի նշան և շարունակում է նոր հարձակումներ պատրաստել՝ զորքեր և տեխնիկա տեղափոխելով պլացդարմային տարածքներ:

Թրամփը «զարմացած» է Զելենսկու վարքագծով, հատկապես Նիկոլ Փաշինյանի հետ հանդիպումից հետո, ով ոչ միայն Վաշինգտոնում ստորագրեց հայ-իրանական սահմանի և Հայաստանի հարավի փաստացի օտարման մասին հռչակագիր, այլև շնորհակալություն հայտնեց Թրամփին անեքսիայի համար: Փաշինյանը չի հարցրել Սահմանադրական դատարանի և խորհրդարանի կարծիքը այս հարցի վերաբերյալ, ինչպես Զելենսկին է անում: Փաշինյանը խորհրդարանից կարծիք չի հարցրել «տարածքային զիջումների» մասին 2020, 2022, 2023 թվականներին: Խորհրդարանը, անկեղծ ասած, կարծիք չի էլ ունեցել։

Փաշինյանն ու Ալիևը ուժեղ առաջնորդներ են, ասել էր Թրամփը, քանի որ նրանք միանձնյա են որոշում «տարածքային հարցերը», իսկ Զելենսկին վատն է. նա պատերազմ է մղում Ռուսաստանի հետ, բայց չի ցանկանում տարածքներ փոխանակել: Եղի՜ր Փաշինյանի նման: